ODO

I.

ODO

2. Abbas Cluniacensis Gallus, discipulus S. Remigii Antissiodorensis: Proncipum Pontificumque arbiter. Obiit A. C. 944. scripsit plurima. Vide Morer. Diction. Hist. Item, dictus Cantianus, Benedictinus, saeculô 12. Thomae Cantuariensi familiaris, a Ioh. Salisburiensi impense laudatus, Scripsit in Pentateuchum, in 4. libros Regum, Psalmos et Euangelia. Praeterea, De onere Philistim, de Moribus Ecclesiasticis, de Vitiis et Virtutibus animae, etc. Obiit A. C. 1160. Pitseus, de Illustr. Angli. Script. Item dictus Ceritonensis, Cistertiensis Anglus, eloquentiâ inter primos sui aevi: Principibus gratus. Scripsit Homilias, Proverbia, etc. A. C. 1181. sub Henrico II. Angliae Rege; Carolus Visch. in Bibl. Cistert. Pitseus, etc.

II.

ODO

Archiepiscopus Cantuariensis, caelibatum Sacerdotum in Anglia, cum Dunstano Archiepiscopo Glasconensi, vehementer ursit, circa A. C. 950. Polyd. Virg. l. 6. Vide Dunstanus.

III.

ODO

Regens Galliae, vide Eudes.

Item, Monachus S. Mauri, scripsit vitam Comitis Burcadi. Item, Anglus, in Euclidem, Chronica, etc. scripsit A. C. 1180. Item cognom. Aleranus, Cardinalis, scripsit Astronomicum quoddam opus, A. C. 1251. Villanius, l. 6. c. 82.

IV.

ODO

laneus calceus, ex Graeco ὀθόνη. Martiali. l. 14. Epigr. 140. Udo.

Aliis candidum linteamen. Donatio, quae dicitur Constantini, in Photii Nomocanone tit. 8. c. 1. Graece reddita a Theodoro Balsamone, ut creditur, habet, Καὶ ὡς ἡ ἡμετέρα σύγκλητος φέρει ὑποδήματα ἤτοι σανδάλια δἰ ὀθονίων etc. quod Agylaeus vertit, Et, quemadmodum Senatus noster calceamenta sive sandalia ex linteis candida gestat, ita etiam illi seu Clerici Romani. Vetus autem formula eiusdem Latina, apud Gratianum dist. 96. c. 14. et Alber. Rosat. ad c. tit. de Praef. urbis et Tom. I. d. Concil. edit. Surian. et Binian. Et sicut noster Senatus calceamentis utitur cum Udonibus, i. e. candidô lineamine illustratis, sic utantur et Clerici etc. Blastares vero in Commentar. Anonymi ad Constantini Donat. Ω῾ς δὲ καὶ τὰ ὑποδήματα τούτων ὀθονίων εἶναι πεποιημένα λευκῶν, Atque eorum (Senatorum) calceamenta, sic et Clericorum fiant ex lint eaminibus candidis. Adeo Graecus uterque pro linteaminibus

candidis, e quibus fiercnt ipsi calei, ὀθόνια λευκὰ et Udones accepit. Sed vero linteamen hoc ornamento fuisse calceamentis Senatoriis et usum item, eorum extrema colligando, praestitisse volunt Docti aliqui, nec calceum fuisse ipsum. Vide Pancirollum: aliis aliter sentientibus. Ex Actis vero, quae vocantur Silvestri Papae, Vaticanis, explicatio affertur, τῶν Οὐδόνων, Udonum sive Odonum, in donatione illa fictitia Constantini; Ο᾿δόνοιςτ τε τοῦτ᾿ ἔςτι λευκοτάτῃ ὀθόννῃ περὶ τὰ ὑποδ ματα χρῆςθαι, quod citat. Ios. Stephanus de Osculat. pedum Pontific. Rom. et vertit, Id est, Udonibus ex candidissimo lineo ad pedes uti. Et Bened. Balduinus in Calceo Antiq. c. 4. infelici satis memoriae lapsu verba illa Herodlani esse asserens, pro linteis calceamentis sumit ibi τὸ οὐδόνοις, vocabulum etiam Iulio Polluci l. 10. c. 11. a Salmasio in Lamprid. in Sever. c. 40. pridem pro ἡδονῶν restitutum. Sed in Donatione illa Latina, Udones pro lunata Senaloriae dignitatis in calceis nota corrigiarum inflexione formatâ (de qua Plut. Problem. Rom. 76. Martialis, Zonaras, alii obiter) sumendi omnino videntur Seldeno nec pro calceamentis ipsis. Quod probatum it ex ipso ordine verborum: Nec sane aliter videtur, quod ex Actis Silvestri adfertur. Id plane sonat, Candido linteamine circa calceos aut in calceis uti. Neque aliter, ait, resintellecta ad Senatoriam, unde petitur, dignitatcm poterit attinere. Hactenus Iohannes Deldenus Uxor. Ebraic. l. 1. c. 14. Vide infra in voce Udo. Pedale it. Pedocuculli.